நெல்சன் மண்டேலாவுக்கு அமைதிக்கான காந்தி விருது

அமைதி மற்றும் நல்லிணக்கத்துக்கான மகாத்மா காந்தி சர்வதேச விருது தென் ஆப்ரிக்கா தலைவர் நெல்சன் மண்டேலாவுக்கு வழங்கப்பட்டுள்ளது.
தென்னாப்பிரிக்கா டர்பனில் உள்ளது மகாத்மா காந்தி அறக்கட்டளை மற்றும் சத்யாகிரக அமைப்பு. கடந்த 2003ம் ஆண்டில் இருந்து இந்த அறக்கட்டளை செயல்பட்டு வருகிறது.
இந்த அமைப்பு, அமைதி மற்றும் நல்லிணக்கத்துக்கான மகாத்மா காந்தி சர்வதேச விருதை நெல்சன் மண்டேலாவுக்கு வழங்கியுள்ளது. தியாகத்தாலும் பங்களிப்பாலும் உலக மக்களின் மனதில் இடம் பிடித்தார் என்று பாராட்டப்பட்டு அவர் கௌரவிக்கப்பட்டார்.
நேற்று நடந்த விருது வழங்கும் விழாவில் மண்டேலா கலந்து கொள்ளவில்லை. விருதை அவருக்கு பதிலாக அவரது சிறைத் தோழரும் அரசியல் ஆலோசகருமான அகமது கத்ராடா பெற்றுக் கொண்டார்.
விருதை மற்றொரு சிறைத் தோழர் பில்லி நாயர் வழங்கினார். இவர் 20 ஆண்டு சிறைவாசம் பெற்றவர். கடந்த வெள்ளிக்கிழமைதான் மண்டேலா தனது 90வது பிறந்தநாளை கொண்டாடினார் என்பது குறிப்பிடத்தக்கது.
இதுகுறித்து அகமது கத்ராடா கூறுகையில், மண்டேலா சார்பாக மகாத்மா விருதை பெறுவதை பெருமையாக நினைக்கிறேன். மகாத்மா காந்தியால் ஈர்க்கப்பட்டவன் நான்.
மக்கள் ஒரு விஷயத்தை தெளிவாக புரிந்து கொள்ள வேண்டும். மண்டேலா ஒன்றும் ஞானியல்ல. சராசரி மனிதன்தான். அவருக்கும் பலவீனங்கள் உண்டு என்பதை ஏற்றுக் கொள்ள வேண்டும் என்றார்.

நம்புங்க நைனா

Its a hard disk at 1956....
The Volume and Size of 5MB memory storage in 1956.
In September 1956 IBM launched the 305 RAMAC,
The first computer with a hard disk drive (HDD).
The HDD weighed over a ton and stored 5MB of data.
Let us start appreciating your 4 GB jump drive

சோம்நாத் சபாநாயகராக நீடிக்க காங். ஆதரவு

சபாநாயகர் பதவியில் சோம்நாத் சாட்டர்ஜி நீடிப்பதில் எந்தவித பிரச்சினையும் இல்லை என்று காங்கிரஸ் கட்சி கருத்து தெரிவித்துள்ளது.கட்சியின் உத்தரவை ஏற்று சபாநாயகர் பதவியை ராஜினாமா செய்ய மறுத்ததால், சோம்நாத் சாட்டர்ஜியை நேற்று மார்க்சிஸ்ட் கம்யூனிஸ்ட் கட்சியின் பொலிட்பீரோ, அடிப்படை உறுப்பினர் பதவியிலிருந்து நீக்கியது.இதுகுறித்து காங்கிரஸ் செய்தித் தொடர்பாளர் ஜெயந்தி நடராஜன் கருத்து தெரிவிக்கையில்,சோம்நாத் சாட்டர்ஜி மார்க்சிஸ்ட் கம்யூனிஸ்ட் கட்சியிலிருந்து நீக்கப்பட்டது அசாதாரணமானது. இருப்பினும் இதனால் அவர் சபாநாயகர் பதவியில் நீடிப்பதில்எந்தவிப் பிரச்சினையும் இல்லை.சபாநாயகராக தேர்ந்தெடுக்கப்பட்ட பின்னர் அந்த எம்.பி. எந்தக் கட்சியையும் சாராதவராகி விடுகிறார். சோம்நாத்தைப் பொறுத்தவரை, அவர் எந்தக் கட்சியையும் சேராதவராக இருக்கும் வரையில், தாராளமாக சபாநாயகர் பொறுப்ப அவர் வகிக்கலாம்.தற்போதைய சபாநாயகரே தொடர்ந்து பதவியில் நீடிக்க வேண்டும் என காங்கிரஸ் விரும்புகிறது. பாராளுமன்ற மரபுப்படி, சபாநாயகர் மீது மார்க்சிஸ்ட் கம்யூனிஸ்ட் கட்சி எடுத்துள்ள நடவடிக்கை வரலாறு காணாதது. இருப்பினும் இது உள்கட்சி விவகாரம். இதில் காங்கிரஸ் தலையிட முடியாது.சபாநாயகர் பதவியில் சோம்நாத் சாட்டர்ஜி சிறப்பாக செயல்படுகிறார். நல்ல சபாநாயகராக இருக்கிறார். நியாயமாகவும், நேர்மையாகவும் நடந்து கொள்கிறார்.சோம்நாத் சாட்டர்ஜி சபாநாயகர் பொறுப்பில் நீடித்து வருவதால், புதிய சபாநாயகரை தேர்வு செய்வதற்கான அவசியமே இல்லை என்றார் ஜெயந்தி நடராஜன்.