குடிக்கும் ஒயினில் குளித்தால்...
அந்த தண்ணீர் தொட்டி எந்த அழகுப் பதுமை என்னுள் வந்து இறங்குவாள் என்ற ஏக்கத்தோடு காத்திருந்தது போலிருந்தது. கொஞ்சமாய் அந்த தண்ணீர் தொட்டிக்கு போதை கூட ஏறி இருக்கலாம். ஏன்என்றால் அதன் உள்ளே ஊற்றப்பட்டிருந்தது, ஆஸ்திரேலியாவின் அபூர்வ வகை ஒயின். கூடவே, மூச்சை ஆழமாய் உள்ளிழுக்கும் அளவுக்கு வாசனை பொங்கும் அரோமா ஆயில் வகைகள். அருகே பல வண்ணங்களில் ரோஜா பூக்கள். தொட்டியின் இரு புறங்களிலும் திராட்சை பழங்கள்.. எரியும் தீபங்கள்... இனிய இசை..! இதெல்லாம் யாருக்காக?
மின்னல் அடித்தது போலிருந்தது, 23 வயதான அந்த அழகுப்பதுமை வந்து நின்றபோது! எடுப்பான உடல்கட்டு. எக்கச்சக்கமான அழகு. குளியல் அறை துண்டை மேலுக்கும் கீழுக்கு மான இடைப்பட்ட பகுதிக்கு எடுப்பாய் கட்டிக்கொண்டு, குளியல் தொட்டிக்குள் இறங்கினார்...! ஒயினும், நுரையும் கலந்த அந்த நீருக்குள் தலையை மட்டும் மேலே தூக்கிக்கொண்டு மூழ்கினார். ரொம்ப அழகுதான்.
சரித்திரத்தில் பேரழகி கிளியோபாட்ரா கழுதைப் பாலில் குளித்ததாக கேள்விப்பட்டிருக்கிறோம். அன்று முதல் இன்றுவரை ஆண்களும், பெண்களும் ஒயின் அருந்திக் கொண்டிருப்பதையும் கேள்விப்பட்டிருக்கிறோம். ஆனால் இதென்ன புதுமை. குடிக்கிற ஒயினில் குளிப்பது?!
நாம் இந்த காட்சியை பார்த்து ரசித்தது, சென்னை வி கேர்-வேர்வாஸ் அழகு-ஆரோக்கிய மையத்தில்.
அதுக்குள்ளே மறந்திட்டோம்...! அந்த ஒயின் தொட்டிக்குள் இறங்கிய இளம் பெண் என்ன ஆகியிருப்பார்? `குளிரில் நடுங்கிக் கொண்டிருப்பார்' என்று நினைத்துக்கொண்டு தொட்டிக்குள் உற்றுப் பார்த்தால், முன்பை விட பிரஷ்ஷாக ஒயின் கலவையில் மிதந்து கொண்டிருந்தார். ஓரத்தில் இருந்த சிவப்பு ரோஜா இதழ்களை ஒவ்வொன்றாக பெயர்த்து எடுத்து தொட்டிக்குள் போட்டுக் கொண்டிருந்தார்கள். `இதெல்லாம் எதற்காக?' "மனதையும், உடலையும் ஜில்லிட வைத்து, சோர்வை நீக்கி, சுறுப்பையும், அமைதியையும் தர இதெல்லாம் தேவை.
ஒயின், அரோமா ஆயில், ரோஜா இதழ்களுக்கு மத்தியில் மிதந்த இளம்பெண்ணுக்கு குறிப்பிட்ட நேரம் கடந்ததும், திராட்சை பழத்தால் உடலில் ஆங்காங்கே தேய்த்துவிட்டுக் கொண்டிருந்தார்கள். ஒயின் தெரபியில் அதுவும் அடக்கமாம். (திராட்சையும் அந்தப் பெண்ணைப்போல் அழகாகத்தான் இருந்தது)அரை மணிநேரம் ஒயினில் குளித்தபின்பு அந்த அழகு தேவதை அப்படியே எழுந்து, உடலைப் பட்டும் படாமலும் மென்மையாக துடைத்துவிட்டு முதுகை காட்டியபடி மசாஜ் படுக்கையில் வந்து கவிழ்ந்து கொண்டது.ஒயின் தெரபி முடிந்ததும் உடலுக்கு மசாஜ் கொடுக்க வேண்டுமாம். கிரேப்ஸ்- ரெட் ஒயின் கிரீம் கலந்து உடலில் பூசி, ஸ்வீடிஷ் டெக்னிக் மசாஜ் செய்யும் போது யாரும் பார்க்கக் கூடாதாம்.
சென்னை போன்ற பெரு நகரங்கள் மசாஜ் என்ற மூன்றெழுத்து மந்திரச் சொல்லுக்குள் கட்டுப்பட்டுக் கிடப்பது நமக்கு தெரிந்த விஷயம். சனிக்கிழமை தோறும் மசாஜ் செய்துகொண்டு ஞாயிற்றுக்கிழமைகளில் உற்சாகத்தை அனுபவிக்கும் கம்ப்ஞ்ட்டர் உலக காளையர்களும், கன்னி யர்களும் பெருகிக் கொண்டிருக்கிறார்கள். உலகம் முழுக்க உள்ள விதவிதமான உணவகங்கள் இந்தியாவை ஆக்கிரமித்திருப்பது போல், உலகம் முழுக்க உள்ள மசாஜ் முறைகளும் இந்தியா வில் புகுந்து இந்தியர்களை கவர்ந்துகொண்டிருக்கிறது.
இதற்குள் கிளுகிளுப்பு விஷயங்களும் அரங்கேறிக்கொண்டிருக்கிறது. வீட்டிற்கே வந்து மசாஜ் செய்கிறோம் என்று செல்போன் நம்பரை மட்டும் வெளிப்படுத்தி விளம்பரம் செய்து விட்டு மசாஜ் என்ற பெயரில் மர்ம விளையாட்டுகள் அரங்கேறுகிறது. இன்னொரு புறம் திடீரென முளைக்கும் மசாஜ் பார்லர்களில் தவறான செயல்கள் நடப்பதாகவும் செய்திகள் வருகின்றன. தனக்கும் மசாஜ் செய்யத் தெரியும் என்று கூறிக்கொள்ளும் அரைகுறைகள் அதிகரித்துவிட்டதால் மசாஜால் பாதிக்கப்பட்டவர்களும் அதிகரிக்கிறார்களாம்.
"மசாஜ் என்பது அடிப்படையில் இந்தியாவில் பிறந்த அற்புதமான மருத்துவக் கலை. இதன் மூலம் உடலுக்கு உற்சாகமும், ஆரோக்கியமும் கிடைக்கும். அடிப்படையான இந்த கலையில் வெளி நாட்டிலிருந்து வந்திருக்கும் சில நல்ல விஷயங்களையும் சேர்த்து காலத்துக்கு தக்கபடி நவீனப் படுத்தி இருக்கிறோம். இன்று மனிதர்களிடம் மூளை உழைப்பு அதிகம். சாப்ட்வேர் மற்றும் நிர்வாகத் துறைகளில் பணிபுரிகிறவர்கள் உடல் உழைப்பின்றி, மூளை உழைப்பில் அதிக ஆர்வம் காட்டுவதால் எளிதாக மூளைச்சோர்வுக்கு உட்பட்டு வாழ்வியல் விஷயங்கள் எதிலும் ஆர்வ மற்றவர்களாகி விடுகிறார்கள். அதனால் தூக்கமின்மை, பசியின்மை, மனநெருக்கடி, ஆரோக்கிய குறைபாடு போன்றவைகள் அவர்களை தாக்குகிறது. அப்போது மனதும், உடலும் சோர்ந்து போகிறார்கள். முப்பது வருடங்கள் உழைக்கும் அளவிற்கு உடல் தகுதி கொண்டவர்கள் இன் றைய நவீன தொழில்நுட்ப வேலைகளுக்குள் சிக்கி பத்து ஆண்டுகள் கூட உற்சாகமாக உழைக்க முடியாத அளவிற்கு திறனற்றவர்களாகி விடுகிறார்கள். அவர்களை மீண்டும் புதுப் பித்து உற்சாகம் தருவதாக மசாஜ் உள்ளது. இதனை தரமான, முழு வசதிகொண்ட மையங்களில் மட்டுமே பெற வேண்டும்.''
வீடுகளுக்கு சென்று மசாஜ் என்ற பெயரில் நடக்கும் பிரச்சினைக்குரிய விஷயங்கள் பற்றி...?
"பொதுவாக எந்த துறை வேகமாக வளர்ந்து வந்தாலும் அதில் நிறையும் இருக்கும். குறையும் இருக்கும். இதை தவறாக பயன்படுத்துகிறவர்களை மக்கள் எளிதாக அடையாளம் கண்டு தவிர்த்துவிடவேண்டும். மசாஜ் ஆரோக்கியத்திற்கான முறைப்படுத்தப்பட்டக் கலை. அதை வேறு கண்ணோட்டத்தில் பார்க்கக்கூடாது''
"உடல் புத்துணர்ச்சிக்காகவும், வலி நிவாரணத்திற்காகவும், மன அழுத்தத்தை போக்கவும் ஒரு அமைதியான அழகான சூழ்நிலை அவசியம். இவைகளுக்குத் தேவையான அனைத்தும் அமை யப் பெற்றதுதான், ஸ்பா. ஒருவருடைய வயது, அவர் பார்க்கும் வேலை, அவருடைய உடல்நிலை, தேவை போன்ற அனைத்தையும் கருத்தில் கொண்டு அதற்கு தக்கபடியான அரோமா ஆயில், ஒயின், பூக்கள் போன்றவைகளை கலந்து குளியல்கொடுப்பதும், மசாஜ் மற்றும் அழகு சிகிச்சை கொடுப்பதும் ஸ்பாவின் சிறப்பம்சம்''
இதை பெண்கள் மட்டும்தான் பயன் படுத்திக்கொள்ள முடியுமா?
"அழகு, ஆரோக்கியம், மன அமைதி என்பது இருபாலருக்கும் பொதுவானது. பெண்களுக்கு பெண்களும், ஆண்களுக்கு ஆண்களும் இதை வழங்க வேண்டும்''
இதில் எந்தெந்த பூக்கள் பயன்படுத்தப்படும்?
"ரோஜா, மல்லிகை, முல்லை, சாமந்தி, செம்பருத்தி, தாமரை, சம்பங்கி போன்ற மலர்களோடு நூற்றுக்கும் மேற்பட்ட மூலிகைகளும் ஸ்பா சிகிச்சையில் பயன்படுத்தப்படுகின்றன''
வீட்டிலேயே சிறிய `ஸ்பா' கட்டமைப்பை உருவாக்க முடியுமா?
"முடியாது. ஒவ்வொருவரின் தேவைக்கு தகுந்த மலர்களை தேர்ந்தெடுக்க வேண்டும். மனநிலை மேம்பாட்டிற்கு தகுந்த மாதிரியான அரோமா ஆயில்களும், கைதேர்ந்த மசாஜ் நிபுணர்களும், அழகுக்கலை நிபுணர்களும் இதற்கு அவசியம். இவை அனைத்தையும் வீட்டிலே ஒருங்கி ணைப்பது சிரமம்''
எத்தனை வகையான மசாஜ் முறைகள் இருக்கின்றன?
"ஆயுர்வேத பஞ்ச கர்மா மசாஜ் என்பது உடலை சுத்தப்படுத்தும் ஒரு மருத்துவக் கலை. அபயங்க மசாஜ், பிழிச்சல் மசாஜ், ஷிரோதாரா மசாஜ் போன்றவை நமது நாட்டு பாரம்பரிய மசாஜ் வகைகள். ஐரோப்பிய முறையில் மென்திசுக்களை புணரமைக்கும் ஸ்வீடிஷ் சாப்ட் டிஷ்ஞ் மசாஜ், எகிப்திய முறையிலான ரிபிளக்ஸாலஜி மசாஜ், தாய் மசாஜ், அரோமா மசாஜ்... போன்ற ஐம் பதுக்கும் மேற்பட்ட மசாஜ் வகைகள் உள்ளன. ஒவ்வொன்றும் இன்னொன்றிலிருந்து மாறுபட்ட தாக இருக்கிறது''
இன்று மக்களிடம் பணம் நிறைய புழங்குகிறது. அதனால் வித்தியாசமான உணவுப் பழக்கம், வித்தியாசமான பொழுதுபோக்குகளில் அதிக ஆர்வம் காட்டி வருகிறார்கள். இப்போது பெரும் பாலானவர்கள் மசாஜையும் விரும்புவதால் எதிர்காலத்தில் இதற்கும் அடிமையாகி விடுவார்களோ?
"மசாஜ் பொழுதுபோக்கு சார்ந்த விஷயம் அல்ல. மன- உடல் அமைதியையும், ஆரோக்கியத்தையும், அழகையும் சார்ந்தது. இதில் அடிமையாதல் என்ற பேச்சுக்கே இடமில்லை''
(ஒயினில் குளித்த அந்த இளம்பெண் நம் முன்னே ஒய்யாரமாக வந்து நின்றார். `எப்படிங்க இருந்தது?' என்று நாம் கேட்க, சூப்பராக ஒரு புன்னகையை மட்டும் சிந்திவிட்டு கடந்து சென்றார்)
என்ன கொடுமை சார் '.......................................
No comments:
Post a Comment